اوہ آکھن
”کیوں نہ بینڈ بنائیے
جاگ نویں نہ لائیے سُتی قوالی نوں
پرانے زمانے وِچ
باہروں ایہہ وی آئی
پتہ جے
سَیل فون جیویں ریل جہاز ہوائی
نویں زمانے وِچ“
ایہہ آکھن:
”پُچھن تہاڈا پُچھن نہیں
نہ دسن اساڈا دسن
وت وی کر دینے آں گل
بھر دینے آں خالی چھڈی تھاں اخباری:
اِتھ اُتھ دا بھیت نہیں کائی
اِکو اے کُل خدائی
پر لاڑا کیہدا جوائی اے
چڑھیائے کیہڑی جنج کماون
کیہڑا گُھنڈ کڈھ ووہٹی وِکن تے آئی اے“