او ہو،
ہو گیا سبھ کم چؤڑ،
اوہا گل نہیں، جیہڑے سیانے1 کردے آئے نیں
اگّا کیہڑا دوڑنا ہا بَھلا اساں
پِچھے دا سانوں کیہ پتہ اوہ کیہ ہا
اپنے آپ نوں، سانوں کیویں اُس چَوڑنا ہا،
بس ایتھے کھلوتے
آل دوال نوں ٹوہ بھالدے
سمجھ لگی جو کردے آئے
جو ہوئی سو جَردے آئے،
چلو ہُن کاہدی سؤڑ؟
کیتا گیا
گئے کرن والے وی نالے،
جاپدائے ہُن جو نیں ہتھ اساڈے
پِچھا چو ایہناں اگّا ساہویں دھرنا ہے،
اگّا رِڑک
کر تِھندا پاسے
حاضر پَل گُھٹ بھرنا ہے
1- اگّا دوڑ تے پِچھا چؤڑ (اکھان)