”ہے تے اوہ ہانی ساڈا ای،
ہڈ کاٹھ نمانے،
ہاں، تک رتا مُشٹنڈی سُو“
”چنگا ای اے
نہ ہووے ایہہ تک تے یار اوہدے گل باتڑئیے
ڈھائے چاڑھ کے اوہنوں
کباڑ نہ کر سٹن“
”مُشٹنڈ وکھالا وی اکھ بھُلیکھا ای اے اخباری،
ہے اوہ اصلوں کُوڑ کباڑ ای،
جو جُڑیائے سو ڈولھی آیا اے
ڈُلھ ڈُلھیاں 1 تے“
”ڈر سنبھ والاں 2 نُوں کُوڑ کباڑ کولوں ای آوندا اے
اگ جو ہوئی بھیتی3 ستیا4 اَن دِسنی،
کچ پکاونی مچ مچاونی“
1۔ ڈُلھن= 1) خالی ہوون، 2) عاشق ہوون- 2۔ سنبھ وال= سانبھنہار مال منال دے، سرمایہ دار-
3۔ بھیتی= 1) گُجھی، 2) جانُو- 4 ۔ ستیا= سکت، طاقت-