''کیوں نی پِھینیؤ بِل بتوڑِیو ناساں چَوڑِیو
سُننا جے گاون
کل ماسی برساتی جیہڑا پہلی ساون
ورھدے مِینہہ وِچ پَونا گھنٹہ نچ سُنایا''
''سُناؤ بھاء شپیا''
''اساں گنڈوءِیاں
چِھک دھک دیہی دھرت نوں اندر اساں رسایا
رنگ رنگ ساراں خاک دِیاں
لُوں لُوں وِچ سموئیاں
مانے اَس ہِیناں دا جِینا کون کوئی
چَس جیہنوں دھرتل رس دی ہووے
لُوں لُوں دے مُڈھ لکھ لکھ چشماں جیہڑیاں باہُو پروئیاں
اوہ پیراں دیاں تلیاں وِچ وی
کُھلن کجن کھیڈیندیاں ہوئیاں،
پَیر بے چشمے مِدھ مدھول کے لنگھن سانوں جیویں خاک نوں
کیہ جانن ایہہ اَن سارے اخبارے
جِیویاں ای اساں تدوں
مَلّ سنساروں جِس دم موئیاں''
''بھاء شپیا
مِینہہ ہُن جِس ویلے آونا اے نا
اساں وی نچ ایہو گاونا اے''
''اُٹھ نچ ویکھو ایس ویلے
چڑھی دُھپ وِچ مِینہہ تہانوں آن رلے''