فرید بھنڈار

جو جو ہوئی اناوِیں سو ہرناوِیں ہے

لَین دین ہے کیہڑا جیہڑا دان نہیں

کیہڑا کچ ہے جیہڑا سچ پکوان نہیں

جو وی ہوئی نتھاوِیں سو ہر تھاوِیں ہے

ٹھانہ پہرا رپٹ کچہر ترِیک نہ کوءِ

سَوہرا پیکا ساک کُساک شریک نہ کوءِ

کیہڑا کم ہے جیہڑا کھیڈ کھیال نہیں

کیہڑی اتِیت اگَم ہے جیہڑی حال نہیں

سبھ ادُھوری پُوری اساویں ساوِیں ہے

ہر دومیل ترِیج نہ دُوئی گھیر کِتے

پَل کَن حق وجود نہ اوپر ہیر کِتے

ہٹھ پِھٹ وَٹ کَھٹ کوئی نہ تیر بزار رِہا

ہور مسانِیں گور نہ میر مزار رِہا

راہداری نہ سِیم قوم مَت جات نہ کوء

للکر لشکر پِڑ پیچے جِت مات نہ کوء

سوہن کوجھ دے بھیت چُکِیجے ہر حاضر چِت دھاوِیں ہے