ویہہ ورھے
اساں لہور شہر دیاں سڑکاں اُپر
پوری پوری آپنے پیرو چھائے
ویہہ ورھے
اساں من حرام دہاڑی داراں وانگر
ہولی ہولی اک اک اِٹ اُکھیڑی
مُڑ کے اوسے کھوڑ چ لائی
بالاں وانگر ہور و ہور خیالیں لگے
ویہڑے ویہڑے- اندر اندر
آپنے ہتھ اسیں گٹکاں ہار چلائے
اج کہیے
چلو چلیے مُڑ کے
گلیاں ویہڑیاں اندراں وچوں
لبھ لبھ پیر انبھول وچھنے
کھوڑ کھوڑ وچوں لبھ لبھ ہتھ ونجائے
بنھ نابری تاراں گانے بھیت سچیتی دئیے
اج دی رات جد ہو جائے سنگھنی
اِکو بٹن جگا تیرے ناں دا
رب دا نظارا لیئے