لئو اج میں مُڑ کے مومن ہو گیاں
کسے پیر فقیر دی سونہہ کھوا لئو
جیہڑی دِل جے کتاب چُکا لئو
جے میںآپنے آپ نوں کدی وِی کافر آکھاں
جو وِی پیر پیغمبراں دسیائے
جو وِی صوفیاں سادھاں فلسفیاں تے وڈ وڈیریاں دسیائے
میں اوہ سبھ کُجھ مُڑ کے دِل تے لا لیائے
ہُن جے کدی میرے مُونہوں نکلے "ویکھو موت نوں چارن لوکی
کملے لوکی”
تے میری پُٹھی کھل لہا لئو
ہُن جے کوئی لنگھدی لنگھدی دھیان میرے ول کردی لگے
تے میں اگ نوں پھول کے کھیہہ اُڈاواں
ایویں آوندیاں جاندیاں
بھلک نوں کل دے مونہہ تے پیا کراواں
تے مینوں گھر گھر چور سدا لئو
میں جو کُجھ سُنیائے
جو کُجھ پڑھیائے
اج سبھ کُجھ پھیر پرو کے گل وِچ پا لیائے