ہَولی گل کرو
ناں ناواں جے کوئی کماونا جے
کیہنوں بُھکھ دا دُکھ نہیں
کیہنے سُکھ خزانے نہیں سپ ڈٹھے ،
پتہ اے سارے جہان نوں
کوئی اپنا دُوجے نوں جاندا نہیں
گھر گھر دُھوں دُھکھے
کوئی بلدا دا بُوتھ سیاندا نہیں
ہولی گل کرو
وچ کنائے دے رمز بھرو
نعرہ ای وج نہ جائے
ایویں سُن کوئی بُوہیوں باہر آوے
رولا باہر بنے
اندر کُوچ نقارہ ای وج نہ جائے،
ہُنر بھیت رکھو
کیہنے نہیں گنیا
بُھکھے سو جاگن جدوں سو راتاں
تاں اک رجیا اک دن سووندا اے ،
دانہ دیگ چکھو
جی بُھکھ دے نشئیوں ای رج نہ جائے،
ابہام حمام اے غسل کرو
پڑھو پنجگانہ جے تاں فن دی جنتے جاونا جے