"ایہہ دھرسال1 جے، مہربان
ٹپو تاں ول ٹکسال اگیرے آسی
جوڑ جیہڑا نال آندا جے دھن تن من جمع کراؤ گِھن ٹوکن
جَھٹ لگسی
گھڑ دیسن دِرھم دینار
ٹکہ رُپیّہ
ڈالر پاؤنڈ جو آکھو
بنھ لیاؤ
کراؤ بَلّے بَلّے مینڈے مہربان
بس ٹپن ایس دھرسال دا کم ہے ذرا جیہا
کر گِھنسو
ہمتال تُساں ہو
ٹسٹ اِک تھیندائے
اِنٹرویو وی
پُچھ پڑتال وی کردے ہوئے خُفیہ والے
لنگھ جُلو، سبھ وارے نیارے مہربان،
ذرا اُچھانھ جے درد دلیل دی آئی تاں رہ گئے،
لگسی ویلا
خیر اے پیارے
کالا پانی تاں رہ گیا اُدّے
گَھلسن چِٹے پانی تہانوں
دیسن ہتھ مدھانی
رہندی عُمر تُساں رِڑک لنگھانی
بس ایتنی ساری ہے
ضابطے وِچ اکھویندی مشقت جیہڑی
کیہ خیال جے، مہربان"