ایہہ رل ریکھ اکھواندی جے
وگی ہوئی اے تَلی تَلی تے
جوشی نجومی نوں نہیں دِسدی
ہتھو ہتھ ایہہ جاندی جے
نہ ایہہ عمر نہ قسمت دَسّے
اُدھل وسے ہر کون کیہڑے نال
نہ اولاد کراندی جے
لمیاں سڑکاں نِکیاں کریندی
ویکھی آؤ
بند گلیاں دے وِچوں سریندی
کوٹھے ٹپ ملاندی جے
ایہو تِیلی سُرجن ڈھانڈی
ایہو پِھرے وِچ دھرتی ہانڈی
ایہہ ساہ سُوتر
ننگ پہراوا
رَلیا پاؤ چکھ تے جاؤ
چَھٹ پنج کنی کھواندی جے
نقطہ نقطہ آہی ناہی
مالک حاکم نوں ایہہ پھاہی
ٹُٹدیاں نوں مُڑ مُڑ جوڑے
بدّھے کھول وگاندی جے