کدیں اوہ حوصلہ سبھ دا آہی
ہر کم وچ اگیرے
پڑھن پڑھاون رل کے
نویاں ساتھاں نوں سمجھاون:
جیون نواں سانوں اپنا وی کرنا پینا اے
نویں جیون کئی جے سیاست لڑنی اے،
اج پُرانی بُک شاپ تے مُدتاں پِچھوں مِلی اے
نال بال نیں
ونڈ کتاباں اوہناں نوں اوہلے کر آہندی اے مینوں
"وڈا ٹوریائے باہر پڑھن لئی ایس دسمبر
ویاہ چھوٹی دائے اگلے نومبر
دو ایہہ رہ گئے نیں
اجکل کیہ پئے پڑھدے او میں آونا جے "
جاندی بُوہے توں
مُڑ اِکدم
آ مینوں کن وِچ کہندی اے
"پڑھیا تے ہے کِتے لِکھیا تہاڈا
سچی دسو پر
ہے یقین تہانوں گئے مُڑ سکدے نیں؟"