اج جیٹھ ہاڑ دا میل اے
سڑکاں تے خلقت کوئی نہیں
جیٹھ ہاڑپئے مِلدے نیں
جیویں ائیر پورٹ تے دونہہ مُلکاں دے صدر مِلن
میں کوئی قومی روزنامے دا کیمرے والا ہوواں
تے بے دھیانے ایس مبارک موقعے دِیاں تصویراں لاہی آواں
اج جیٹھ ہاڑ دا میل اے
لَکھ پرانے آکھی جاون جو چڑھیا سو ڈبیا
اج دے دن دا لگدائے انت نہیں ہونا
جے میں ملک دا اہم سیاستدان ہوواں
کَل حیرت دا اظہار کراں
ایڈا وڈا دِن تے سڑکاں تے خلقت کوئی نہیں