دینہہ وِچ پندھ اساڈا تے ہویا
چڑھدیوں لہندے
راتیں لہندیوں چڑھدے،
ایہو حُکم ہے دِین دھرم دا، رُتبہ کَتبہ ساڈا
ایہو کرم کمائی سُپنے،
اوہ وی نیں پر
دینہہ جیہناں دا اُبھیوں لمّے ڈھل رَین وِچ لُکدا اے،
تے رَین
اپڑ لمیوں اُبھے
دینہہ بن ڈُھکدی اے،
ایہہ اوہ ہوئیاں
چڑھت لہند جیہناں دی دھرت دا سانگا اے،
آپ ای پربت آپ سرووَر
پَل پَل پانی دا لانگھا اے،
لُکیاں ہوئیاں نیں اندر کِتے اوہ ساڈے ای
کُھل مِلنا ہے جِس دم اوہناں
اساں وی اوہ ہو وَینا اے