فرید بھنڈار

تُسیں وی لگدی واہ لا لئو،

ساکُوں تاں ایہا رلی اے سار

وکھّر1 جایا2 ہے ایہہ ویہار

وکھر ای لاہا جمایا ہے،

لاہے کُوں ہتھ جیہڑے لگدے نیں

سُج کے تھی وَیندے نیں بھارے

کیہیں3 کرت ورت جوگے نہیں رہندے،

مِلن والے اوہناں کُوں کر کے سلام

سِٹہ4 کڈھیندے نیں

بھار ہے جِت ایہناں دی

تے ہئول اساڈی ہار،

ول کھوٹ کُوں کھرلِیں5 پِیہہ کے

چُورن بنیندے نیں،

اننتر پُھٹڈیاں روگاں دا دارُو کرن لئی

پل پل پھکّے اوہدے مریندے نیں

1- وکھر: سرمایہ، کیپیٹل -2 جایا: پیدا کیتا -3 کیہیں: کِسے وی -4 سِٹہ: نتیجہ

5- کھرلِیں: کھرل وِچ، چکی وِچ