انج تیرا آون دھیان دے اندر ہویا
جیویں کھیسے ہووے نوٹ
تے دِل دیاں ساریاں دبیاں
اِک اِک کر کے
چیتے بُوہے آن کھلوندیاں نیں
پر جدوں میں کھیسے ہتھ پایا
تے اندروں نکلیا پِھسیا چِتھیا کاغذ
گل اِنج ہوئی
میرا میلا ہویا کوٹ
مینوں اندر باہر آوندیاں جاندیاں جھاکا آون لگا
تے میں کوٹ دھون لئی دِتا
ہُن سارے دھوبی اَتّے تاں نہیں ہوندے
اوہ کوٹ تے نوٹ تے کھیسا سبھ کُجھ دھو دُھپ کے سُتھرے ہو گئے
ہُن مینوں اُٹھدیاں بہندیاں
نہ تے جھاکا آوندا اے
تے نہ ای تیرا دھیان