پَتر رُڑ1 کے جیہڑے زِویں تے لہہ گئے نیں
کوئی اِک کہانی اے ایہناں کول؟
دُھپ واء مِٹی پانی دی گل نہیں
اوہ تاں نَین پران ہوئے،
ویکھی سُنی پچائی جو ایہناں
رس واس کر پُھلاں پَھلاں نوں جِیویں جو ورتائی اے
اوہ کِسے لِکھی تے نہیں
بھوئیں نوں وی ایہناں کن سن وِچ سُنائی اے
آہر وگارے ٹُھکِیاں اکھیں وِچ ساڈی، اچیتی
اگم کھیڈیندے کھیال دی جھاک تاں آئی اے،
رِینیاں کناں نوں ساڈے ویکھو
دیندی اے دھرت سنیہا کیہا ہُن کیویں
1- رُڑ کے= بہوں پکیج کے-