گاں آکھے میں سُنی اے ساری
بینر لگے
اجتماعی تھئی مینڈی قربانی
کئیاں اَٹھ اَٹھ جوڑ برابر حصہ پایا
کِس دا پُتر کَیں کُہایا
پُٹھ اوجھری پِھپھر کھروڑا
کیہڑا حصہ کیہنوں آیا
کتھے کتھے کھل وِکدی اپڑی
کتھے کتھے ہڈ کھڑکے
کِس دی لتھی کِس کِس پائی
کِس کیہ پڑھیا کیہ وِسرایا
کرو کرُولی
دھو دھا ہتھ اُٹھاؤ سارے
اوہ قبول کرے
ترے دینہہ تھی گئے نیں کم تے سویرے جانائے
جس لایا سو نفع وصول کرے
گاں آکھے میں سُنی اے ساری
اج دی گل نہیں
جُگاں توں میں بھگتاندی آئی آں
کَھس کھادے دا بھار لاہون دی ورھے چ اِک دِن واری