فرید بھنڈار

پھُل نہیں اساں پھُل جَھرنِیاں 1 ہاں

کِھڑیاں کاسنی گُوڑھ ترنگیاں،

ویکھن ہاراں لئی

ہو خالی دمو دم تِھیندیاں بگیاں پئیاں ہاں،

ہس ہس کاسن2 آکھے:

''میں ہاں آسن3 تُساں دا

مَینڈیاں بھئیاں دی دِسنی ادِسنی لُڈی ہے ایہہ

بگیاں تِھیون جو ویکھنہاراں نُوں جاپے،

اکھیاں اوہناں دِیاں بُرخے نویں پُرانے لاہون

دِھیریاں مانن جاگ پِرم دی

ہووے نِیجھ نِہال

تے تک4 نچ5 تھی جاوے''

1- جَھرنِیاں = چشمے، سومے، جھلاراں – 2- کاسن= کاسنی رنگ- 3- آسن= بیٹھن دا ڈھنگ-

4- تک= 1) تکنی، 2) آس- 5- نچ= نچن دا عمل، ناچ-