مَصلحتاً
اسیں جُوں دی چال چلے
چل چل سِر چڑھ گئے
ناخن اُپر ناخن دھر
مارن لگے جب صاحبِ سَر
تب خبر اچانک ہوئی
پِھسل کے چشم زدن وِچ
وڑ گھاس ہوئے رُوپوش
چڑھے بَیل تے آہستہ آہستہ
چڑھ کے ہو گئے سِینگ
چُک کھلوتے دھرتی
ایہو تقاضا سی تاریخ دا اوس ویلے
بیل دے گل جب لگی پَین پنجالی
احتیاطاً سرک اسیں گھر آئے
وقت مناسب تاڑ کے دھاڑے اندروں
کمرہ اِک سلاخی رِڑھدا آن لگا دروازے
چِڑیا گھر ہُن زیرِ زمیں ہاں مصلحتاً