''وکھیوں پَین دی بان تیری نہیں مُکدی،
ماڑی جیہی کوئی گل اگیرے کر دینی
چھیکی ہنڈائی
کُوڑے دانوں چا خانچے دھر دینی
کون کھائے
کُوڑ کباڑ ای ودھنائے
اگے ای سڑکاں بھریاں پئیاں نیں
راہ لنگھن دا کوئی نہیں،
جنگ طبقاتی ہوئی، عوام دا معاملہ
ایویں نہیں اوہناں اُٹھنا،
سِدھی گل کرو
ساہویں ہو ٹکرو
پواڑا تاں مُکنائے''
''تک نا راجیا
ایہہ گل تاں پھیر وی ہوندی رہسی یار
مِینہہ پیا ورھدا ای
میرا نچ نھاون نوں سچّی جی پیا کردا ای
ایس عمرے…… پر ایس عمرے
چلو
جرم اُڈیکو اگلا……
ہاں کر گل راجہ کِتھوں چھڈی سی……''