فرید بھنڈار

''نی ماں تینڈا نجامُوں 1،

نہ، سچ ساڈا،

جا جنگلاں وِچ کیوں لُکدا ہا،

گھر سنگیاں دے تھوڑے آہے؟''

''نی آہو

آہے گھنے،

پہلی واری لُکیا پُرانے بیلی دے

بیلی ہور ہویا

وار اخیری ہو گئی''

''ماں جنگلاں وِچ وی کِیڑ مکوڑ تے گھاہ بُوٹ

نہیں نِت نِت ہورو ہور پئے ہوندے؟''

''ہر جِینی2 اُتھ ہوندی اے بھیتن ہِک بئی دی

اپنا آپ دے پال جوالدیاں نیں

1- نجامُوں = نظام لوہار- 2- جِینی= جیوندی ہوند-

کُل کُٹنب نُوں

سنی جے کیڑی کوئی مِرکھت گِھندی؟”

''ہائے رہندا اُتھاءِیں مائے''

''جگت نُوں جنگل کرو ہا اوہ نجامُوں مینڈا،

نہ، سچ تہاڈا

جنگل نُوں شہر کرُو سن حاکمییدّھے''

''اوہ تے اوہناں کر ای چھڈیا اے''

''تاں ہُن؟''

''مُڑ جم سانوں اندر نجامُوں دھر ماں''

''میں تہانوں، تُسیں مینوں

آؤ''