میں پارک وچ ٹریک تے جاناں،
بھری بھری کُجھ لمیّ
جِینز تے جَوگرز
مُسک مُسک نال آپنے پئی کریندی گلاں
ہتھ اُنگلاں سَینتر
بھر بھرواسے قدم دھریندی انجھک میکوں تکدی آوے
سنگدا لین بدل کُجھ نیڑے لِفیاں
اوہ اُنجے ای اَنجھک تکدی گل کریندی کولوں لنگھ گئی اے
پرت میں ویہناں
کَن وچ اِئیر فون
کسے دوست سہیلی نال متاں اوہدی گل پئی چلدی ہووے
میکوں بھلیکھا لگائے
جیویں سبھ کُوں لگدائے
جیہڑے شرع مطابق اکھ نیویں نہیں کردے
مینڈی عُمرے وی