''لِلّاں اساں نہ لئیاں کدے
نہ کِسے دے بُوہے گئیاں،
مُڑھکا ای چوپڑ آہی اساڈی
سیال نہالے،
رہیاں اساں نِت رُکھیاں سُکیاں
وت وی اِلّاں آن پئیاں،
پچُھدے نیں سانُوں:
’مَلکاں چودھریاں سرداراں دے
پنجے گُھسا تُسیں شہریں وڑِیاں،
اپنے جیہیاں نُوں ہیر گھیر کے
کیہڑے سبق پڑھیندیاں ہو پئیاں،
گاون ویہر دے گا گوا کے
آہڈا جگ نال لاونا جے،
آہندیاں ہو ایہہ ورتارا نہیں وارے،
ایہنوں کوار1 کے آپا کیہنوں ویاہونا جے'' ‘
''تُساں کیہ دسیا جِیرو''
''اپنے آپ نُوں اساں سارِیاں، ہور کیہنوں''
1- کوار= جڑھوں پٹ کے- (کوارن= جڑھوں پٹن)-