‘‘کیہ مرضی او تیری بھرا دروجیا
نہ کُھلیا نہ وجیا’’
‘‘بھین میرئیے
میری مرضی مالک غرضی
جیہڑا وارے اندر لنگھاؤ
نہیں وارے رکھ باہر پِچھانہہ پرتاؤ
مُدتاں ایویں لنگھائیاں
سدا نبھائیاں در دفتر دِیاں رِیتاں
پِچھلے دِنیں کوئی لِبڑے لِیڑے عجب ایانی آئی اے
وچ کھلو گئی
نہ آوے نہ جاوے
چونکیداراں کِھچ ہٹائی
مینوں چمبڑی چنڈاں مار کے لاہی اے
اوہ دِن لاء نی بھین میرئیے
مالک غرضی چُول میری وچ بن مرضی ہُن پِھردی نہیں
بُھل بھلیکھے ہِل جُل نیت وِچلی کجناں
مالک نال جو پاون گُوڑھیاں
مُونہہ سِر آ سبھیارے وجناں
ہینی جھینی آ لگیاں لکیراں ڈھاوے
کر اُپرالا بند ہوون دا کُھل کھلوناں وِچوں