بُوہے کھلی کچنار
پھگن چڑھ پیا اے
روز میں اُٹھ تکناں
پُھل کاسنی کوئی نہیں
اج اُٹھیاں اِک مُکھڑا چِٹا
ہریاں پتراں چوں جھاک میرے ول ہسیا اے
''لُکی رہی آں نا میں تہاڈے ہتھ نہ لگی''
اگلے دِن دو ہور وی نال نیں
رل ہسیاں نیں تریوے
چِٹی کھیڑ کچنار دی رنگ اچنبھا رچیا اے توڑوتوڑ دِناں وِچ
ہسدیاں گِدا پا پئیاں آکھن
وے اڑیا وِچے ای نیں ساڈے کاسنی سکھیاں
کِنج سنجانن تیریاں اکھیاں
جاگ اساڈے نال رات تے کھیڑ چکھائیے تینوں کاسنی
پر نہیں جے دِل دینہہ ہانڈی وڑ تیرا بھُج پکن تے تاں