پاواں بات بتُونی پاواں
بات نوں لگے کُنڈے،
کُنڈے وِتِھیکے ہتھاں وِچ آ جاندے نیں،
بات پرات ہو ویندی اے،
پچُھدی اے ہتھ ہتھ نُوں
کیہ گُنھسو تے کیہ پکاسو
کِتھوں آیا
کیہدا کمایا
پک ویسی تاں کیہنوں کھواسو،
ہتھ وتِھیکے آہندے نیں
ایویں نہ جِبھ وگائی آ
تینوں وِہاج اسیں آندا اے بزاروں
لمّی پے تے جو وی کرئیے
ہس ہس سوئی کرائی آ،
پُھٹ نِکلی اے وات تدوکی
ہُن تھی بتُونی پَیندی اے،
کیہ دسدی اے کیہ بجُھاوندی،
کُنڈے بتُونی دے ہوندے کوئی نہیں
کن ہوندے نیں،
ہِیناں دی چُپ وِچ چَھپ کے بیٹھی
سُندی رہندی اے
اوہناں دے نین پراناں دی،
کرنی اوہناں دی آپ ایہہ ہو اُٹھ بہندی اے