کتدیاں لگیاں آئیاں اُنگلاں ہِین مہِین
جیہناں پایا تنہاں ترِیکاں بُھگتیاں نیں:
”ایہہ کوئی پہریوا نہیں
(یعنی گِٹک ہے میوہ نہیں)
کیہڑی ہَٹّی کیہڑے تھانوں کِس لاہیا
کیہڑے گز ماپیا
رنگ منظوری کِتھے
نہیں اُتے حُکم دا چھاپا چھپیا
تُساں آپ تاں ننگے ہو
جیہڑا ویکھدائے
اپنا ننگیج وی اوہنوں دِسن لگ پوندائے
ایہہ خلاف قانون دے ہے
جاؤ
پاؤ کُجھ چِر جیل دا کَتیا سِیتا
بندے بن کے رہندی عمر ہنڈاؤ“