لوئی نی لوئی کیہڑے ہتھ اوہ پولڑے
تند تند رات کتائی
اکھاں وِچ اُن کے ودھائیوں جیہناں اڑئیے
کِتھے نی ہتھ اوہ پکیرڑے
لوئی نی لوئی کیہڑیاں بھیڈاں دے لیلڑے
جاندے جو مون منائی
اکھاں چ رنگ پکائیوں جیہناں اڑئیے
کِتھے اوہ بانہیں سوگھی والیاں
لوئی نی لوئی ویکھاں اکھیں اوہ گہریاں
دھر گئیاں آن جو سائی
ویکھاں نی ویکھاں میں تے ریجھ تروپڑے
کِتے کِتے جیہڑے ہنجھ دے دھوتڑے
گنڈھ قرار دی کائی
لوئی نی لوئی تینڈا نِگھ ملاوڑا
ونڈیں توں بے پروائی
لُوں لُوں وَتیں لُکائی دَھن اڑئیے
اساں بے قدراں دے رولڑے
نیندراں وِچ تینڈا بھیت سچیتڑا
جاندا نی جاگ رلائی