آڈر ہویا
وڈیاں وڈیاں بتیاں نِمّاں مگر جگائیاں گئیاں نیں
‘‘باغ ہے ایہہ سرکاری
بدکاری نُوں مُفت دا اوہلا دین ایہہ لائیاں گئیاں نیں؟’’
ہس ہس دوہریاں ہوون اوہ پئیاں
مِٹھیوں کَوڑا کَوڑیوں مِٹھا کڈھ دُھروں اساں کھاون والیاں
ایہناں دی روشن شرع شریفی بھیت کیہ ساڈا پھولے
چِٹے دینہہ اساں انگ نال انگ سورج دے لانا
پوے انھیرا
اِک اِک تارا وارو واری نال سوانا
چن پہلی دا کُچھڑ ساڈے ویکھ مولانا
ٹُنگ سلواراں
کڈھ تلواراں
دیو گواہی کیہدا ایانائے