فرید بھنڈار

''لال جُتیاں تُساں کِتھے لُکائیاں''

''کاہنوں آہیاں اساں لُکانیاں، ویکھو

منجی ہیٹھ نہ ہوون وڑیاں''

''آہو

اُتے سُتیاں آپ تے ہیٹھاں ایہہ سوائیاں''

''آپ تُسیں کیہڑے سُپن چوں آئے او

کیہڑیاں ہانڈاں جاگ جگائیاں جے،

پَیر جیہناں دے کرنی راتے1

کدے لال کدے بگیاں ہریاں 

جُتیاں اوہناں سِر ورھدیاں آئیاں،''

''کیہ آکھنا چاہوندیاں ہو

دھر پھرِئیے ہُن سِر تے تُہاڈِیاں''

''نہیں، جاؤ کڈھاؤ ہتھاں پیراں کولوں سجرے سوچ سیاڑ

آہی ناہی کر گڈو اوتھے

نویاں سِراں سنگ اُگ مِلن لئی آؤ''

1- راتے= 1) سُرخ کیتے، 2) ستیاوان کیتے، 3) رات بنائے-