سُنیندے آئے نیں
وڈ گیان سیانے
'ایویں نہیں وسدا پیا جہان
چھت سِر تے اسمان'
انبر ہو نِیلا کالا آہندائے
میں تے چھت نہیں کوئی
کِتھے نیں کندھیں
چھت کر چَھتدے او
کدے تُساں مینوں منڈپ آپ مہارا بنا تنیندے او
تارے ہیر پھراونا،
کیتی اپنی وار نتار نہیں ویہندے،
ہوئی ورتی
متھے میرے لاء اپنا آپ ولیندے او
آکھو مینوں دینہہ دیہار
رات بہار آکھو
ہوون میرا تے دھرت سورج دی نینہہ نِرت1 ہے
ٹھپ کے جال ایہہ رلو اسانوں
مانو ست دی سار
نینہہ نِرت= پیار ناچ-