فرید بھنڈار

پِیڑھیو پِیڑھی اساں بیعت ہاں شاہ مدار دی

اوہا گُڑھتی جمدیاں سار ہے

دم دم سانوں ست دیدار ہے

جھات ایہہ اوہدی:

'باندھر1 بیٹھا صدیو صدی

اندر پِڑ تے مَلّ مار ہے،

کُفر ہے بھانے اوہدی شرع دے

نینہہ نِرت دی تانگھ

کر پیراں نوں کڑی بیڑی دا پاتا اوس سِنگار ہے

موت ہے اوہنوں دِل ڈمرُو دی دھڑکن،

باندھر کڈھو اندروں باہر

کر کے باندر

منس جُون دا جو ہے ناندھر2

کرو اوہنوں خلق حضوری'-

سانوں ذکر ہے پل پل مُرشد دم مدار دا ایہا،

ساڈیاں بھراواں 

آہر ٹُکر دا کر کے نِرا ایس کار نوں 

گل گوائی

رمز اُدھار3 دی خلق دے لیکھے نہ لائی

1- باندھر= باندھ (مناہی، پابندی، قید) دا بندوبستی-2- ناندھر= ناندھ (شروع) کرن والا، موڈھی-

نِرت سنیہہ کر پَیریں اُتارو اوہدے۔3-اُدھار= آزادی، چُھٹکارا-