''کیہ کرئیے مہر جی''
''کاہدا''
''وڈا پواڑا
کھپ لتھے آں،
کلا پُتر جان لڑا کے ایتنا پڑھایا
چنگی توں چنگی نوکری کر سکدا اے
کردا ای نہیں
''کیہ کردا اے''
''تھوڑے دِن کِتے کم پرائیویٹ کر کے پیسے گھر دے جاندا اے
آپ یاراں نال بھوندا اے پِنڈاں گراواں وِچ
''کیہ کردے نیں اوتھے''
''گاون سُناوندے نیں
ناٹک کھیڈ وکھاوندے نیں''
''کوئی سیاسی پروگرام اے؟''
''اکھے جی کوئی نہیں
لوکاں دی سُننے آں
سُناونے آں اوہناں نوں''
'کیہ؟'
'جو فقیر سُناوندے آئے نیں
کافیاں قِصّے……
سُنن تے آہر کرن فقیری واس وساون دا'
ویکھو ہے عقل دی گل''
''ایہہ کتابی گلاں خیالی
اگے کرن والے ہار ہُٹ کئیں مر مُک گئے
وِچ ای آہے باہروں پڑھ کے آئے شرابی وی
کُجھ جاچ پرکھ کے چھڈ گئے
پیسہ بنایا کم کار وِچ لایا
ہُن موج مناوندے
مُلک چلاوندے نیں پئے''
''پھیر کیہ کرئیے''
''ویاہ کرا دیو
آپے سمجھ لگ ویسی''