بھائی جی اج کل مندا اے،
پواڑا نواں تے ہویا نہ
بھاڑا ودھاؤ لاہا تُھڑیا
کسّو بھاڑا تے گاہکی ڈِھلی،
بھلے ویلے سن اگے لام لوا دئی دی سی تتی ٹھنڈی
ہُن ہِٹلر کر جیہنوں کھڑا کرن دا چارا کرو
مُچھ ٹِڈی اُگا اوہ پل کُھرکدائے
نال ای دندیاں کڈھ وکھا دیندا اے،
سِراں توں بھار لہا کے ہُن اساں دِلاں دی سیل لوائی جے
وکھو وکھ سٹال نیں
بُدھ یہودی ہندو مُسلم سِکھ عیسائی
کَھیہہ کھہیڑ دی بندی سردی دُھکھنی وی لائی دی اے،
ہتھ پواؤ نا تُساں وی بھائی جی
پھڑو ایہہ قرضہ کھاؤ کھواؤ
لاہن شکنجے وِچ پھسا کے لوکاں نوں دِل نویں لواؤ
پُرانے تِلکدے رہندے نیں،
لہاؤ اوہناں دے جُڑ اِک جُون ہوون دا سنسا اپنا ساڈا
سانوں ٹِکائی آؤ آپ وی ٹِکے رہو