پَر چُک لؤ اِل دا جھڑیا
متاں کم آ جاوے
ایہہ قلم شاہی شمشِیراں دا
کرے پلک وِچ خلعت منصب
واہی راہک پاہی دی،
لِکھ ٹھیکے فرمانے یورپ کمپنیاں
رکھ حصہ شاہی
سایہ الٰہی پاوے ویاجیاں وہیاں تے
ایہہ شعر شکاری مِیراں دا
حرم سرائی دیگاں اندر رمز بنے کفگیراں دی،
ہفت افلاکوں چمکے خنجر ہلالی
موہلے دھار سنتالی ساون وسا جاوے
پَر چُک لؤ اِل دا دھریا
ہو سکدائے کوئی ہور ای لیکھ لِکھا جاوے
نہیں رہن دیو
اِلّڑ متاں کوئی اُتوں غیرت کھا جاوے