اسان کتاب
آؤ مُڑ پڑھیے ہیر دمودر
بَن جھیور بَھنّیے سیپ دھگانی راٹھاں دی
ہتھیں گھڑے گھڑ ٹھیلے بیڑے
کھول چنانہہ تے کھڑیئے
آو مُڑ پڑھیے ہیر دمودر
رلیے آتن ہیر دے
سانبھ ولاں دی کریئے ولایئے پیو بھائیاں دا میلہ
راتیں بھوہرے پہن کے بنیے جوگنیاں
سِر دھر تلیاں تے موڑیئے چڑھدے لشکر
پگ پگ سٹّاں جریئے پُنِیے نِت نِت کھیڑا
لے رانجھن یار کلاوے موہرے قاضی دے
بھا لایئے کوٹ قبولے بار وسایئے
آؤ مُڑ پڑھیے ہِیر دمودر