''وے کھبئیا ڈولِیں نہ
تُوہیں بھُوپ گرِیبن نوں کیتا پہلوں
ہُن وی کرنا ای
چِڑیاں کولوں باجھ تڑاونے تُوہیں نیں''
''میں تے آپ چِڑی ہاں''
''آہو سچی تڑاؤنے کیوں،
توڑنے آپ توں ہوئے
سو ترلا ای کھبڑو ڈولیں نہ''
''تہانوں گیجھ ہوئی
سجّے دی بدّھی ہلجُل دی
مینڈا ہویا آہر اٹھاہر1،
سجل آہی دی ناہی وِچوں
کھبل آہی اُگھاڑن
اُڑِیاں نوں الف کرا
مَلّ وستر لِیر لنگارن،
ڈولن مینڈا ٹوہن گولن ہے''
1- اٹھاہر= بِنا ٹھاہر، ٹھہراء بغیر، بے ٹکانہ-