فرید بھنڈار

تھیہہ کھٹاون نِت پیا ہویائے

ریل وِچھی اے آیائے جداں انگریز

ہور جائیں وی ہوئیاں پَدّھر

سوئن رُپّا سِکّہ ٹِکّہ

نھا دھو وڑے عجُوب گھراں وِچ یورپ دے

پتھر ہوئے ہڈ مگر گئے،

ایہہ تھیہہ ورلا ہا

نِکلی اے نِری چنگیر،

ڈھیر گویڑ لائے وِدواناں

شاہیاں مِتھ بہائیاں

اُڑد بزار سراءِیں سوداگر

مندر ہَوَن دُوارے

پوتھے دُھم وِکے

ہوئی بھیت چنگیر ودھیر،

راتیں جنی تندور اِتھ تاؤندی اے

لگ وِچ تھیوے آپ سواہ

کَت ککھ جوڑ چنگیر دوالے

آ باہر ورتاوندی اے آپا کیر

اکھ اساڈی ناہِیں

سُنیائے اوہناں تِھیں رات جگارا کیتائے جیہناں ورتارا

سواہ سو واہ1 ہے

1- واہ= 1) تعلق، واسطہ، رشتہ، 2) رستہ، 3) ویہن، 4) واہی، 5) طاقت، زور، سکت، مام، 6) ٹھیک، بَھلی، مناسب-