بحث عُلماواں دی
پئی فر فر پہاڑے پڑھدی اے
اِک دَھڑ اڑی کھڑی اے:
''ب الف دا ہے پرچھاواں
تت پرچھاویں نال کدے نہیں جُڑ سکدا-''
دُوجی اَڑ اَڑ چڑھدی اے:
''الف بے نال جوڑ شریعتی جُڑ کے لفظ گھڑیندا اے-''
کر کر نُسخے جیہنے کلاماں نوں
لے دِتی درباراں توں راہداری
آوے اوہ پِیر خطاط تے دَسے
ہِکا سیج دُھروں بے نکاحے اِک ہو سَمدیاں 1 حرفاں نوں
اڈواَڈ کر کیویں لفظ بنائے جاندے نیں
کیویں کم ضروری تے لائے جاندے نیں
1- سمدیاں = سَوندیاں -