اِکدم نالوں موٹر سائیکل مُڑیائے جیویں کوئی اِل جھپٹی اے بوٹی تے
بریک ماری اے رِکشے والے
پِچھلی کار چ وجدا بچیا بند ہو گیائے رِکشہ
لہہ کے سڑک تے پاسے کھڑیائے اوہنے
میں اُترن لگّاں کہندائے"بیٹھے رہو
ہُنے منا لینے آں گھر دی گل اے،
ویکھو سانوں چُپہیئے روندے سن
اکھے ایہہ کِتھوں تپہیئے آن بلائیں لتھیاں نیں ساڈیاں سڑکاں تے،
جِتھے چاہن واڑن جِتھوں مرضی اے کڈھن
کوئی دِین ایمان نہیں ایہناں دا،
ہُن اسیں دو پہئیڑاں نوں رونے آں
ایہہ طالبان سِر تلی تے دھر کے نکلے نیں دُدھ بخشا کے
دِل کیتا جدوں اگلا پہیٔہ چُکیا تے جنتاں نوں نکل گئے"
"تے جیہڑے ہماتڑ اَنپہیئڑ نیں کیہنوں رون اوہ دسّو" میں پُچھناں
"جیہناں دا پہیٔہ رُپیّہ چلدائے ہور کیہنوں"
رِکشا چالو کر اوہ آہندائے-