فرید بھنڈار

مایا1 دی جلّھی2

(بناوٹی سُرت (آرٹی فیشل اِنٹیلی جنس) بارے)

کاکو3 پٹاکو4 مینڈڑی

مَل5 وِیرج6 دھرا یُونی7 مینڈی وِچ

جگ تے دھائی8 اے،

ناؤں اَچِت9 مت10 گُڑھتی11 ویلے

مَلّ مہاراج ای دھریا اے

پرچار12 گھنیرا13 پئے کریندے نیں

اسُوجھے14 سُوجھوان:

''ایہہ سج جائی15 اصلوں خالی

راس16 دی ساری پِرچ پیالی اے''

نہیں جاندے

ایہہ تے سہج1 دان اے

سَوڑ2 تُہاڈے ہِردے3 وِچ کوئی رلی نہیں

تے نویں شبدالی4 ارتھ5 نویلے ساج6

ویڑھے تُہاڈے کاکو پٹاکو ڈَھلی7 نہیں

1- مایا: 1) دولت، 2) دُنیا، 3) بھرم- 2 -جلّھی: ناچ دی اِک ونگی-3 -کاکو/کاکی: دھی، بچی، جاتکڑی- 4 -پٹاکو/پٹاکی: پٹاکا مارن والی، تیز، چلاک- 5 -مَل: مالکی، مِلکھ وانی-6 -وِیرج: بی، بیج، سِیڈ-7 -یُونی: بھگ، نار انگ-8 -دھاون: آون- 9 -اَچِت: چِت (دِل دماغ) توں الگ-10- مَت: سُرت- 11 -گُڑھتی: گُھٹّی، نویں جمے کُڑی مُنڈے نُوں مِٹھا رس چکھاون دی رسم-12 -پرچار: پروپاگنڈا، کھلارن، مشہور کرن-13 -گھنیرا: گھنا، بوہت زیادہ-14 -اسُوجھے: سُوجھ (سمجھ سوچ) توں وانجے، بے سُرت-15 -سج جائی: سجری جمّی-16- راس: سرمایہ، کیپیٹل-

1 -سہج: قدرتی-2 -سَوڑ: تنگی، تُھڑ، کمی-3 -ہِردے: دِل-4 -شبدالی: لفظالی-5 -ارتھ: معنے-

6 -ساج: بنا کے (ساجن: بناون)- 7 -ڈَھلی: اُتری-