گُھگی بِجلی دی تار تے آن بیٹھی
اُڈی اوہ تے جاء اوہدی لئی لالی
اوہ وی گئی تے آئی بُلبُل کال سِری
لال پِٹھ والی،
اَک تھک گئی اے سُن سُن میہنے جیہڑی
غزلاں والیاں دے:
’گاون جوگی نہیوں‘
ناں بدل اپنا
پئی سانوں بدنام کراونی ایں،‘
بہہ تار تے ساریاں آہندیاں نیں
’اِلّاں ویکھو نا ایہہ شاہِینڑیاں
ٹوٹے بدّل دے تک جھوکاں مار آئیاں،
رُکھ آن مَلّے
ساڈے جوگی نہیں تھاں چھڈی اُڈنے دی
نہ ای بیٹھنے دی،
پچُھو آہندیاں نیں:
’نہیں مَنّدے اِلّڑ شاہِین ساڈی
ڈھلو ہیٹھ اکھے، نہیں قانون اُڈن کَھنباں سِنّھیاں نال،
زورا وراں اگے نہیں پیش جاندی،‘
گُھگی کاونی لالی تے چُپ بُلبُل
پئیاں سوچدیاں نیں:
کیہ ہُن کرن بندائے،
جیہڑا حال اے زِویں تے ماڑیاں دا
ہے اوہا ای اُپر اسمان تے وی