کِکر کاسٹ ورُوکا
کم ترکھانا ای کردائے
پر جاچاں ہور وی بہوں نیں
راج گیری رنگ سازی
پوے لوڑ لُہارا وی،
دسیندائے گھنے اُدّمِیں
شوق ویکھو نا میرا
پرائمری سکولے اُردُو شاعری کیتی جے میں،
کلام جو یاد اے اُستاداں دا
موقع ہووے نہ ہووے سُنا کے سر مٹکاء مُسکاندا اے
اخباری متھیوں شعر اقبال دے
پڑھ کے سُناوندائے آئے گئے نوں رندہ چھڈ کے
بندہ تاڑ کے کدیں کدیں کوئی بول پنجابی وی جڑ دِکھلاندائے،
کُڑتا اوہا پتلا سفید
جیٹھ ہاڑ جیہڑا تن ورُوکے ہوندا اے
ہے پوہ مانہے،
کل تک سانوں دوہر کوٹاں نوں سُنگڑدیاں
آہندا اے
رکھ لؤ بانہہ تے لوئی1 داغ نکوئی
1- چِٹی چادر داغ لگیسی لوئی داغ نکوئی
(بُلھے شاہ)