ماؤں بِلیئے
رنگ ہویا تیرا گورا،
وِچ وِچ کِتلے چِھٹ پِیلک دی،
کِتھوں آئیاں
مَتھے تیرے ایہہ کالیاں دو لِیکاں،
ہوویں جیویں پنج وقت سجُودی،
سانوں تیرے دِین دھرم دی خبر نہیں
مُصَلّن نَومُسلم ہیں اِکے پُران یہُودی،
اینا پتہ اے
لوڑ ویلے تُوں مِٹی کھوتر
ہگ مُوتر گڈ کجنی ایں،
ایہہ تے نہیں جو گھر والیاں دی ہُشناکی دا تینوں بہوں خیال اے،
دھرت کھوالیا تُوں تے کر کے پاہ1 دھرت نُوں پئی پرتاونی ایں،
بال بگانے وی ممّے چُنگھ تیرے نال سون
تینوں عُذر نہیں،
اپنیاں جائیاں نُوں ست گھر پھیر کے
تیر میر دا لاہونی ایں پرچھاواں،
اندر تیرے غیر گُمان دا گُذر نہیں
- پاہ= کھاد-