سُنیا تے ہوسی تُساں
”دِل دریا سمندروں ڈُونگھے
کون دِلاں دِیاں جانے“
اسیں ہاں جانُو
واسی جو ایہناں سمندراں دے ہوئے
مچھیاں ای نہیں
اسیں کَچّھ وی ہاں،
بُلھناں دے مگّرمچّھ وی ہاں،
مِین اساڈا ناں ہے سانجھا
ہر جی دا گھر دفتر ہے ساڈا،
پالنے آں اِکدوجے نُوں
اِکدوجے نُوں کھاونے وی آں
آپا اپنا پالن کیتے،
مَلّ دبَلّ رہریت دے ہاں اسیں جائے جماونہارے
ایہو اساڈا دِین دھرم ہے
ایہا بھرم کرم ہے،
جیہڑے اساڈا رُولا وٹاون آوندے نیں
اوہناں دا اسیں رُولا وٹاء
سہج سبھا پرتاونے آں
پتہ وی نہیں نیں لگدا