جو لِکھیا گیا اوہ کافی نہیں؟
پنج ست پُج سیانیاں اگے گل میں ایتنی کر بیٹھاں،
ہُن جد کوئی مِلدائے اوہناں وِچوں
پھڑ گلوں ہلُون مینوں آکھن لگ پوندائے:
''جے لِکھیا میاں تیرا کافی اے
تاں دس نا سانوں دِسدی کیوں ایہدے سِر تے صُوف دی صافی نہیں،''
گل اوہا
اج اسماتراں ساہویں پیا کریناں
لِکھیا گیا جو کافی نہیں؟
جو نہ لِکھیا اوہدی مافی نہیں؟
بُھلاں تاں ہوسن ڈھیر
آہندیاں
خبرے کیوں ایتھے آ گئیاں لگ ایہدے آکھے،
بُھلیکھے وی
لِکھے چ مُونہہ کج بیٹھے ہسدے،
کوئی گل بَھلیری کِدھرے جے نظریں پوے تہانوں
سوبھا سلاہنا کِس کم اوہدے
ایتنا تے جاندی اے
سمجھ پڑھن توں اگے موڑ نیں ہور کئیں