سِیتل وائیں
چھوہ ساراں پرواراں نُوں پئیاں سَردیاں نیں،
پتر نہال نیں،
پُھل وی سُکھی نیں رنگ سُگندھ ورتیندے،
اِلاں دی گھنی اُچّ اڈاری گھٹی ہوئی اے
نِیل اسماناں وِچ،
اِک اُچے سفیدے ٹِیسی بیٹھی
دُھپ سگوں پئی سیکدی اے،
لمیاں پَربھریاں اوور کوٹاں وِچ وی ساڈے جیہے
ٹھر تراہ لئی اکھیاں وِچ پئے
نِکلن دا دم بھردے نیں،
سٹھاں ورھیاں دا
شوکے خاں ترکھان
چھپر چھاویں کھڑا
تمبی کُڑتے وِچ ای رَندہ پھیر پیا
وِچ وِچ متّھا پُونجھدا اے،
لنگھیاں میں کولوں
پچُھدائے، حاتم طائی دا شہر کیہڑا ہا