فرید بھنڈار

چُپ ساڈی دی نَیں وگ وترے

پسری بھوئیں دوالے،

اُڈ اُڈ بہن منھاں 1 تے چِڑیاں

بے سُر چُوہک اوہناں دی کُوکے:

وے اڑیو

چُپ تُہاڈی مِلکھ طَبَل دی تالے بدھّی

نچ بے تال جے کندِھیوں باہر آوے

ڈَھین اُسرَگّے وکّھر سمھالے

پدھر اَپدّر تھی جاوے

راہے2 دھمال اوَلّی جگت نُوں

فصل سنیہی لاوے

1- منھ= بنّا، کنارا، کنڈھا، کندھی- 2- راہے= زِویں سواہری کرے، ہل واہے، بی کیرے-

جِس تَن لاگے عِشق کمال

ناچے بے سُر تے بے تال

(کافی بُلھے شاہ- رہاؤ)