پلازہ دَہ منزل
اپر جنگلے دار منارا لوہے دا
دَہ منزل ہور اُچیرا
سُنیائے فون والیاں لایائے
وائیں وگدیاں واجاں گھیر کناں ول موڑن لئی
اج سویر دی اِل دُھر اُپر بیٹھی اے کلّی ٹِیسی مَلّی
گوانڈھ آہلنائے پِپل
میں پچُھنی آں چھتوں اُلّر آہلنے بیٹھی نوں
ایہہ اُپر وی تُوں ای ایں
قصرِ سُلطانی دا گُنبد تج چٹان تے بیٹھی
اوہ ہسدی اے، ‘‘اڑئیے میرا اِلّڑ ای
کل بقرید ہوئی
اُپروں سوکھا ہویا تاڑن بوٹی باٹی ہووے کوئی جے تھلّے
یا پَھٹّر1 ڈھٹھی تیرے جیہی کوئی
جھاڑی واڑی وِچ لُک بیٹھی’’
1- پَھٹّر: زخمی-