لَڑ پھڑ تختے دا جیہڑے ٹِھلّن
پار تے ہو جاندے نیں
ویری نَیں دے رہندے نیں
یار نہیں ہوندے آپنے
نہ ہور کِسے دے
گز پھڑ تختہ
گِٹھ گِٹھ کپدے بَر پانی دا
کپّر ولیندے
چکر لہر نوں دیندے
تختہ پاسنا کر کندھی اسوار تے ہو جاندے نیں
سار نہیں نیں ہوندی
نَیں دی
نہ ہی آپنی-
ڈر کپڑے دھر کندھی تے جیہناں لہر کلاوے مانے
انگ وِچ انگ ہو ڈُب ترن دے بھیت پچھانے اوہناں
ہاتھ اَہاتھ کر جانی جیہناں
رنگ کھیڈدے تھئے پانی نال پانی
نَیں اوہناں دے ساہ دی تار ہوئی
رُکھاں گل ہار ہوئی